-СДСМ продолжува со вистинска грижа за сите граѓани, особено за подобрување на квалитетот на животот на ранливите категории. Со конкретни мерки и политики, на стотици ранливи семејства ширум државата им помагаме да решат еден од најголемите животни предизвици – обезбедување дом, истакна пратеничката од редовите на СДСМ, Санела Шкријељ на денешната прес-конференција.
Таа посочи дека изминативе години се изградени или се во фаза на градење над 860 социјални станови низ целата држава. Во Струмица, Гостивар, Македонски Брод, Пробиштип, Виница, Свети Николе, Гевгелија, Демир Капија но и на други места. Изградбата на социјални станови продолжува и во периодот што следи во Велес, Неготино, Бутел, Дебар и Кочани.
-И оваа година СДСМ со конкретни мерки ќе ги заштити ранлвиите групи граѓани исто како и лани за време на најголемата енергетска и економска криза. Само буџетот на Министерството за труд и социјална политика за развој на социјални услуги годинава е зголемен за 5,5 милиони евра. СДСМ во изминатите неколку години драстично ја зголеми и социјалната помош, а преку социјалната реформа ја зголемивме поддршката за лицата со попреченост и нивните семејства. Воведовме и траен надоместок, наменет за родители на деца со попреченост кои грижејќи се за своето дете со попреченост, не оствариле право на вработување и, последователно, на пензија. Воедно ги ослободивме од партиципација лицата со попреченост, што беше и нивно долгогодишно барање, рече Шкријељ.
