Сосема е јасно која е ѕвездата на овогодинешните спортски игри Invictus во Дизелдорф. Уште кога му се придружи на својот сопруг Хари, Меган Маркл е во апсолутен фокус, барем кога е модата во прашање. А колку ја следат докажува информацијата дека веб-страницата на популарниот бренд J Crew падна поради нејзиниот бел аутфит.
Откако фотографите ја уловија на игрите облечена во бел блејзер од овој популарен бренд, нејзините фанови и љубители на модата се насобраа на страницата во потрага по нивна копија, и таа конечно падна. Тоа го принуди модниот гигант да им се извини на клиентите за непријатностите.
Специфичната причина за падот на страницата е белиот блејзер со предимензиониран крој, црни рабови и златни копчиња. Поранешната актерка го искомбинира со бели ленени панталони Staud и црн горен дел и додаде златен накит и часовник што ја разби неутралноста на црно-белиот изглед и генијално го искомбинира со чевлите на Шанел со рамен ѓон, кои неодамна ги видовме на бројни ѕвезди.
Корисниците на Х (поранешен Твитер) го прославиа влијанието на Меган кое очигледно продолжува да го има.
