Лимонот со векови се користи како моќно есенцијално масло за ароматерапија и има многу придобивки
Тешко е да се наведат сите различни употреби и придобивки од лимонот. Омиленото овошје, покрај тоа што е полно со витамин Ц и е добро за нашето здравје, може да се користи за домашно чистење, разубавување, па дури и како решение за избелување на забите. Но, дали знаевте дека само спиењето покрај исечен лимон на вашата ноќна маса може да има некои дополнителни придобивки?
Само со вдишување на мирисот на лимон, вашето тело ги доживува повеќето (ако не и сите) од неговите хомеопатски придобивки. Некои од нив вклучуваат намалени нивоа на анксиозност, намален стрес, севкупно смирувачко чувство, потенцијално понизок крвен притисок, смирување на алергиите (со намалување на воспалението на дишните патишта) и зголемена продуктивност.
„Здравствените придобивки“ за кои сите зборуваат се всушност ефектите од ароматерапијата, изјави за Reader’s Digest, Дајан Елизабет, основач на Skin Care Ox. „Идејата е дека ако ставите парчиња лимон до вашиот кревет, ќе вдишете суптилен мирис на лимон во текот на ноќта. Лимонот со векови се користи како моќно есенцијално масло за ароматерапија и е заслужен за придобивките како што се зголемување на концентрацијата, намалување на стресот (најверојатно како резултат на зголеменото производство на серотонин) и смирувачки ефект врз респираторниот систем“.
Додека повеќето од придобивките од спиењето со исечен лимон до вас се поврзани со здравјето, има и неколку други придобивки. Лимоните исто така делуваат како природни освежувачи на воздухот и дезодоранси – така што додека тој лимон е на вашата ноќна маса, тој врши двојна должност, го освежува воздухот околу вас и обезбедува природна ароматерапија.
