Полицијата во Штутгарт уапси 228 лица по судирот меѓу Еритрејците и полицајците на протестот на Еритрејците во тој град.
Уапсените, кои се блиски до опозицијата во Еритреја, се обвинети дека нападнале припадници на полицијата со цел да спречат настан организиран од еритрејско здружение блиско до авторитарниот режим на оваа североисточна африканска земја.
Во нередите се повредени 26 полицајци, четворица учесници на планираниот митинг и двајца демонстранти.
Состанокот на еритрејските здруженија собра околу 90 учесници кои го поддржуваат режимот во Асмара.
