Украинскиот претседател Володимир Зеленски во своето обраќање на Генералното собрание на ОН потсети дека презентирал нацрти на украинската мировна формула за време на неговото видео-обраќање на минатогодишното Генерално собрание на ОН.
Тој рече дека планира да ги изнесе деталите на утрешниот Совет за безбедност на ОН и оти повеќе од 140 земји и меѓународни организации целосно или делумно ја поддржале формулата.
– Украинската мировна формула станува глобална. Таа е подготвена да понуди решенија и чекори кои ќе ги решат сите форми на вооружување што Русија ги употреби против Украина и другите земји, посочи украинскиот претседател.
Зеленски првпат лично присуствува на годишна сесија на Генералното собрание на ОН откако Русија ја нападна неговата земја во 2022 година.
