Возачот во Формула 1, Оскар Пијастри потпиша нов повеќегодишен договор со Мекларен.
Новиот договор на Пјастри со Мекларен трае до крајот на 2026 година, објавија британските медиуми. Претходниот договор на Пјастри истекуваше на крајот на 2024 година.
Се верува дека Пјастри оставил многу добар впечаток во тимот со своите настапи во дебитантската сезона и управата на Мекларен решила да го задржи надежниот возач на подолг период.
Во исто време, актуелниот договор на тимскиот колега на Пјастри, Ландо Норис е до крајот на 2025 година.
Во тековната сезона Пјастри во моментов има 42 бода и се наоѓа на 11. место во генералниот пласман.
