Поранешниот српски фудбалски репрезентативец, а сега тренер, Саво Милошевиќ (50) денеска е назначен за нов селектор на репрезентацијата на Босна и Херцеговина, наследувајќи го на должноста Мехо Кодро, кој беше сменет на почетокот на овој месец по само два натпревари на селекторската клупа.
Милошевиќ е третиот селектор на БиХ од почетокот на оваа година по Кодро и неговиот претходник Фарук Хаџибегиќ.
Тренерската кариера Милошевиќ ја почна во белградски Партизан во март 2019 година, а пред назначувањето за селектор на БиХ ја предводеше љубљанска Олимпија, каде остана само четири месеци во текот на 2020 година пред да биде отпуштен.
На клупата на БиХ ќе дебитира на 13 октомври на гостински терен против Лихтенштајн во рамки на седмото коло во квалификациската група за пласман на ЕУРО2024.
