Индија и порача на Канада дека мора да повлече 41 дипломат од Индија до 10 октомври, објави денеска Фајненшл тајмс.
Односите меѓу Индија и Канада се сериозно нарушени откако канадските власти соопштија дека имаат веродостојни информации за вмешаност на Њу Делхи во убиството на сепаратистичкиот водач на Сиките и канадски државјанин Хардип Синг Нијар (45), што се случи во јуни во канадската провинција Британска Колумбија. Индија него го означен како „терорист“.
Индија ги отфрли обвинувањата како апсурдни и во септември, како одговор на протерувањето на висок индиски разузнавач од Канада, протера канадски дипломат и исто така ги суспендираше визите за Канаѓаните.
„Фајненшл тајмс“, повикувајќи се на луѓе запознаени со индиското барање, објави дека Индија се заканила дека ќе им го укина дипломатскиот имунитет на оние дипломати на кои им било кажано да си заминат, но останале по 10 октомври.
Канада има 62 дипломати во Индија, а Индија соопшти дека вкупниот број треба да се намали за 41, пишува весникот.
