Гледачите во римскиот Колосеум јаделе маслинки, овошје и јаткасти плодови додека гледале како гладијаторите се борат до смрт, велат археолозите, откако копајќи во канализацијата под арената откриле остатоци од храна стари 1.900 години.
Археолозите веруваат дека ова се остатоци од грицки што ги јаделе римските гледачи, а тимот открил и фрагменти од коски од животни кои се бореле во арената.
Резултатите од студијата на археолошкиот парк Колосеум ги презентираше неговата директорка, Алфонсина Русо, која изјави дека откритијата „го продлабочуваат нашето разбирање за искуствата и навиките на оние кои дошле на ова место за време на долгите денови посветени на претставите“.
Нејзиниот тим започна истрага во јануари оваа година за подобро да го разбере функционирањето на канализацијата под јужниот дел на амфитеатарот стар 2.000 години.
Научниците од „Roma soterane“ користеле роботи водени со жица за навигација низ системот за одводнување и ги документирале сите наоди од последните години од употребата на Колосеумот како место за забава.
Откриени се коски од мечки, лавови, леопарди и кучиња – а некои дури потекнуваат од типот на јазовичар што Римјаните го користеле за ловење лисици и јазовци.
Археолозите пронашле и древни семиња и плодови од култивирани растенија, вклучувајќи смокви, грозје, дињи, маслинки, праски, цреши, сливи, ореви, лешници и борови ореви.
Фрагменти од украсни растенија, како зеленика, ловоров лист и зимзелени дрвенести растенија, останаа во канализацијата и одводите.
Други наоди вклучуваат деови од облека, како што се обработена игла од коска, штипки, клинци за чевли и кожа, како и коцки од дивеч.
Изградбата на Колосеумот започнала под владеењето на императорот Веспазијан во 72 година од нашата ера, а била завршена осум години подоцна кога царот Тит владеел со Римската империја.
За да го прослави завршувањето на џиновската камена структура, Тит одржал 100 дена игри во кои загинаа повеќе од 2.000 гладијатори во арената.
Колосеумот се користел повеќе од 500 години, а неговите последни забележани игри биле одржани во шестиот век.
