Оштетени се 15 медицински центри, две болници престанаа да обезбедуваат услуги, 28 здравствени работници загинаа, а десетици други беа повредени, изјави палестинскиот министер за здравство Маи Ал-Каила, објави NBC News.
Двете болници кои престанаа да даваат услуги се болницата Беит Ханун и Детската болница Ал-Дура, рече Ал-Каила.
„Израелските окупаторски сили секојдневно се закануваат дека ќе ги евакуираат болниците во Појасот Газа, што е јасна закана за животите на стотици болни и ранети луѓе, вклучително и болницата за деца Ал-Дура, која беше евакуирана вчера откако беше бомбардирана со меѓународно забранети бели фосфорни бомби, а пред тоа и болницата Беит Ханун, која исто така престана да работи како резултат на израелското бомбардирање“, рече Ал-Каила.
Тој додаде дека и 23 амбулантни возила се оштетени и вон употреба.
Портпаролот на израелските одбранбени сили ги негираше тврдењата дека земјата користи муниција од бел фосфор во Газа.
