Дисциплинската комисија на УЕФА одлучи да ја казни Црвена звезда за дискриминаторското однесување на навивачите на белградскиот клуб на натпреварот со Јанг Бојс со 62.000 евра и да го намали капацитетот на стадионот „Рајко Митиќ“ за 10.000 седишта на следниот натпревар.
Во рамките на 3. коло од Лигата на шампионите, Црвена звезда е домаќин на Лајпциг, а потоа капацитетот на „Маракана“ ќе биде намален за 10.000 седишта. Дополнително, „црвено-белите“ ќе треба да платат 40.000 евра поради однесувањето на навивачите и уште 22.000 поради блокирани премини на трибините, се вели во соопштението на Европската фудбалска унија (УЕФА).
ТСЦ ќе мора да го намали капацитетот на својот стадион за 1.000 седишта на гостувањето кај Фрајбург во 3. коло од Лигата на Европа во Бачка Топола, и поради дискриминаторското однесување на навивачите на мечот со Олимпијакос.
