Британската полиција денеска ја уапси Грета Тунберг, заедно со други активисти за климата, кои се собраа пред хотел во центарот на Лондон, со цел да го прекинат состанокот на директорите на нафтените и гасните компании.
Тунберг беше меѓу десетиците демонстранти кои се обидоа да го блокираат пристапот до хотелот Интерконтинентал на Парк Лејн, каде што се одржува споменатиот енергетски форум.
Меѓу другите, на конференцијата учествуваат извршните директори на саудиската компанија „Арамко“ и норвешкиот „Еквинор“, како и британскиот министер за енергетска безбедност.
Според извештаите, полицијата ja внела Тунберг во полициско возило, заедно со уште десетина активисти.
Лондонската полиција претходно објави дека пет лица се уапсени под сомнение дека го попречувале сообраќајот за време на протестот.
Демонстрантите се обидоа да го блокираат пристапот до местото на конференцијата седејќи на тротоарот до влезот, држејќи транспаренти и извикувајќи слогани, додека некои запалија димни факели.
Активистите на Гринпис се симнаа од покривот на хотелот за да развијат транспарент на кој пишуваше „Заработи многу пари од нафтата“.
Демонстрантите ги обвинуваат компаниите за фосилни горива дека намерно ја забавуваат транзицијата кон обновливи извори на енергија за да остварат поголем профит.
„Светот се дави во фосилни горива, а нашите надежи, соништа и животи се измиени од поплава од зеленизам и лаги“, изјави Тунберг пред новинарите пред да биде приведена.
Таа посочи дека со децении е јасно дека индустриите за фосилни горива биле свесни за последиците од нивните бизнис модели, а сепак не направиле ништо.
„Не можеме да дозволиме ова да продолжи, така што немаме друга опција освен физички да ги попречиме и мора да продолжиме да им покажуваме дека тоа нема да исчезне“, рече таа.
