Еден од највисоките воени команданти на Хамас е убиен во израелски воздушен напад во центарот на Газа, се вели во соопштението на Хамас.
Ајман Нофал бил член на Генералниот воен совет на Хамас и командант на бригада, соопшти групата.
Израелските одбранбени сили и израелската служба за безбедност го потврдија нападот во соопштение, нарекувајќи го Нофел „една од најдоминантните фигури“ во Хамас и близок соработник на Мохамед Деиф, шефот на военото крило на Хамас.
„Во минатото, Нофал беше одговорен за надгледување на производството и развојот на оружје, промовираше и учествуваше во многу терористички напади, а исто така беше вклучен и во планирањето на киднапирањето на Гилад Шалит“, се вели во соопштението.
Шалит, израелски војник, беше земен како заложник од Хамас во 2006 година и држен пет години. Тој беше ослободен во замена за повеќе од 1.000 палестински затвореници кои беа држени во Израел.
