За само шест години, хрватскиот пазар на труд претрпе тектонска промена во која бројот на странски работници се зголеми од 7.800 на околу 130.000 вработени, што е осум отсто од работната сила. Во некои гранки странците сочинуваат една петтина од вработените.
„И денес има хроничен недостиг од работници, а доколку Хрватска ја достигне европската просечна стапка на учество на работната сила од 75 отсто, од денешните 70 отсто, на пазарот би ѝ недостасувале 120 илјади работни места“, изјави гувернерот на централната банк на Хрватска, Борис Вујчиќ.
Во Хрватска има околу 100.000 невработени, во јуни бројката била уште помала, а последен пат тоа се случило во 1982 година.
„Да успеевме да го активираме населението, ќе имавме значително помала миграција, но дури и да ги отфрламе пензионерите и странската работна сила, потенцијалот на неактивното население во Хрватска е многу ограничен. Мора да бараме други решенија, делумно преку активирање на пензионерите, уште подобро би било да се покачи старосната граница за пензионирање, а делумно преку имиграција“, рече Вујчиќ.
