Две лица кои Хамас ги зеде како заложници се ослободени, соопшти вечерва израелската влада.
„Оваа вечер Џудит Ранан и Натали Ранан беа ослободени од рацете на терористичката организација Хамас“, изјави портпаролот на израелскиот премиер Бенјамин Нетанјаху во соопштението.
Двете ослободени лица беа заробени кога милитантите на Хамас го нападнаа кибуцот Нахал Оз, на 7 октомври, рече портпаролот.
Тие беа примени од официјални лица на границата со Газа и беа „на пат до точка за средба во воена база во центарот на земјата, каде што ги чекаат членовите на нивните семејства“, се вели во соопштението.
Мајката и ќерката од Илиноис биле во посета на семејството за да го прослават 85-тиот роденден на нивната мајка и баба.
Тие се префрлени низ Египет и наскоро ќе летаат во САД.
