Израелските војници, кои доброволно се пријавија да учествуваат во војната против Хамас, го осудија синот на израелскиот премиер Бенјамин Нетанјаху за престојот во САД, каде што се пресели на почетокот на оваа година по почнувањето на војната со палестинската милитантна група, пренесуваат медиумите во светот.
Стотици Израелци се вратија дома од странство откога армијата регрутирала повеќе од 300.000 резервисти да се борат во најголемата мобилизација во историјата на Израел, објави „Дејли мејл“.
„Жаир ужива во својот живот на Мајами Бич додека јас сум на фронтот“, изјави еден војник, кој побара да остане анонимен од безбедносни причини.
Војникот рече дека луѓето одат на фронт и ги напуштаат своите семејства и работа, а Жаир остана да ужива на плажата на Флорида, каде што се пресели оваа година.
„Тоа не помага да се изгради доверба во раководството на земјата“, рече војникот.
Иако никогаш не бил војник, Жаир ја отслужил својата задолжителна воена служба и работел во единицата на портпаролот на израелските одбранбени сили (ИДФ), според написите.
