Се знаеше дека мемоарите на Бритни Спирс ќе бидат шокантни откако таа ги објави, со оглед на тоа што рече дека конечно ќе може да зборува и да ја каже својата вистина – по години живеење под туторство на сопствениот татко. Сепак, никој не очекуваше дека во целата приказна на крајот поголем фокус ќе падне на нејзиното поранешно момче, пејачот Џастин Тимберлејк.
Само неколку дена откако беа пуштени во продажба мемоарите на Бритни Спирс, познатиот пејач и актер го направи првиот потег – ги исклучи коментарите на Инстаграм.
Имено, Бритни во своите мемоари „Women in Me“ откри како забременила во врската со Џастин, но завршила со абортус – затоа што тој не бил подготвен да стане татко.
“Тоа беше изненадување, се случи порано отколку што сакав, но тоа не беше трагедија за мене бидејќи го сакав и сакав еден ден да имаме семејство. Сепак, тој не беше среќен поради бременоста, рече дека сме премлади за дете и дека не сме спремни“, открила во книгата пејачката која имала 19 години кога останала бремена и додала дека ќе го чувала детето – ако сама ја донела одлуката.
Целата приказна да биде уште полоша, Бритни откри дека Џастин ја оставила преку СМС порака по три години врска, а додала дека многу добро знаела дека тој ја изневерува.
Сите тие детали за врската која заврши пред повеќе од две децении го ставија Џастин Тимберлејк во фокус во јавноста, пред се на нејзините фанови кои беа шокирани од неговото однесување. Иако Бритни призна дека и таа го изневерувала, еднаш. Џастин по раскинувањето со песната „Cry Me a River“ реши да им каже на фановите дека раскинувањето се случило поради нејзиното изневерување.
“Бев верна на Џастин со години, имаше само еден исклучок што му го признав. Преболевме, мислев дека ќе бидеме заедно засекогаш, се надевав на тоа”, напишала Бритни и признала дека била скршена по раскинувањето, а дополнително ја погоди песната „Cry Me a River“ и спотот за истата, во кој е изневерен од жена која многу личи на неа.
