Десет вработени во aгенцијата на Обединетите нации за помош и работа на палестинските бегалци на Блискиот Исток се убиени во последните 72 часа во Газа, се вели во извештајот објавен денеска. Со ова вкупниот број на вработени во УНРВА кои загинаа во Газа од 7 октомври се искачи на 63.
„Речиси 672.000 внатрешно раселени лица (ВРЛ) кои се засолнети во 149 објекти на УНРВА низ Појасот Газа, соочени се со сè поочајни услови“, се вели во извештајот на УНРВА. „Способноста да се обезбеди помош за спасување е дополнително попречена од 36-часовниот прекин во комуникациите што го зафати целиот Појас Газа, вклучително и хуманитарните организации.
УНРВА, исто така, извести за зголемени тензии меѓу раселените заедници поради очајната ситуација, што резултираше со упади во магацините и дистрибутивните центри на УНРВА.
