Најчестите симптоми на мозочен удар се појавуваат ненадејно и вклучуваат ненадејна вкочанетост, слабост или вкочанетост на раката, ногата или лицето, особено ако е зафатена само едната страна од телото, ненадејни нарушувања во говорот или видот, губење на рамнотежа, вртоглавица и ненадејна, силна главоболка која може да биде придружена со гадење или повраќање.
Специфичните симптоми на мозочен удар кои се присутни кај жените се различни од вообичаените и токму поради тоа создаваат проблем, бидејќи во повеќето случаи не се препознаваат како симптом на мозочен удар, па често се одложува лекувањето, пренесува ХЗЈЗ. Овие симптоми се како што следува:
-губење на свеста или несвестица
-општа слабост
-тешкотии или отежнато дишење
-збунетост, нереагирање или дезориентација
-ненадејни промени во однесувањето
-возбуденост
-халуцинации
-гадење или повраќање
-силна главоболка
-икање.
Доколку забележите некој од горенаведените симптоми, веднаш треба да побарате лекарска помош за да направите дополнителни тестови.
Причини и фактори на ризик
Фактори на ризик за мозочен удар вклучуваат пушење, лоша исхрана, физичка неактивност, дебелина, зголемена потрошувачка на алкохол, висок крвен притисок, висок холестерол, дијабетес и срцеви заболувања, додека специфичните фактори на ризик за мозочен удар кај жените вклучуваат:
-орални контрацептиви
-бременост
-прееклампсија
-употреба на хормонска терапија
-чести мигрени со аура.
