Шестиот тенисер во светот, Гркот Стефанос Циципас денеска се пласираше во четвртфиналето на Мастерсот во Париз, откако во два сета го совлада Германецот Александар Зверев со 7:6(2), 6:4. Циципас до победата над деветтиот тенисер во светот стигна по час и 58 минути игра.
Тој двапати го скрши сервисот на противникот, дозволувајќи еден брејк на другата страна.
Во четвртфиналето Циципас ќе игра против Русинот Карен Хачанов.
Пласман во четвртфиналето денеска обезбеди и Хуберт Хуркач, 11. тенисер во светот кој го совлада Аргентинецот Франциско Серундола со 2:0 во сетови 6:4, 6:3.
Хуркач по час и осум минути игра го совлада 21. играч на АТП листата.
Тој во четвртфиналето ќе игра против бугарскиот тенисер Григор Димитров.
Во четвртфиналето ќе игра и Австралиецот Алекс Де Минор, бидејќи мечот му го предаде Италијанецот Јаник Синер.
Противник во четвртфиналето ќе му биде Русинот Андреј Рубљов.
