о Секретаријатот за европски прашања се одржа вториот состанок на Управниот комитетот на проектот „Поддршка за реформи на политики, пристапување и ефективност (СУПРАЕ), финансиран од Европската Унија на кој присуствуваа вицепремиерот задолжен за европски прашања и главен преговарач со ЕУ, Бојан Маричиќ, и шефот на секторот за соработка на Делегацијата на ЕУ, Штефан Худолин.
Како што соопшти СЕП, вицепремиерот Маричиќ во своето обраќање ја потенцирал важноста на ЕУ проектите во спроведувањето на реформите и ја изразил неговата благодарност за поддршката од страна на ЕУ во процесот на преговорите.
-Овој процес е во многу важна фаза затоа бара градење на нашите институционални и административни капацитети, но и реализација на планот за реформи. Спроведувањето на овој проект е значаен за процесот на пристапување, а резултатите даваат јасна стратешка рамка со добро дефинирани цели и задачи, како на национално така и на секторско ниво, се наведува во соопштението.
Според Маричиќ, проектот SUPRAE е еден од најважните активни проекти во Секретаријатот за европски прашања кој започнувајќи од минатата година обезбедува поддршка во процесот на пристапување на земјата, не само за Секретаријатот за европски прашања, туку и за сите релевантните институции во овој процес.
Проектот, како што е наведено во соопштението, се фокусира на повеќе придобивки од спроведувањето на четири компоненти: Зајакнување на стратешкото планирање, известување и комуникација, воспоставување на стратешка, методолошка и оперативна рамка за процесот на пристапување и унапредување на програмирањето, користењето и проценката на ЕУ фондовите од страна на надлежните институции, и комуникација со јавност.
-Сите четири компоненти на проектот вклучуваат поддршка за програми за обука, регрутирање, подигање на јавната свест и комуникација што треба да придонесе за подобро разбирање на јавноста за улогата на ЕУ и процесот на пристапување во целина, дигитализација на одредени аспекти од преговарачкиот процес и подобро управување со фондовите на ЕУ, се појаснува во соопштението.
Од СЕП велат дека втората средба на Управниот комитетот на проектот СУПРАЕ се фокусираше на напредокот, предизвиците и идните планови. Акцент беше ставен на состаноците на секторските работни групи за редовен политички дијалог и транспарентност.
-Преку компонентата два е обезбедена поддршка за одредени аспекти за скрининг процесот. Преку компонентата три беше обезбедена поддршка во поглед на програмирањето и управувањето со ЕУ фондовите(ИПА). А пак компонента четири во следниот период ќе се фокусира на изработка на стратегии за комуникација со јавноста како и со сите други релевантни чинители во процесот на пристапување кон ЕУ соопштуваат од Секретаријатот за европски прашања, се додава во соопштението од СЕП.
