„Hacky Diamonds“ – првиот студиски албум на Ролинстонс по речиси една деценија – беше најпорачуваното издание на Амазон овој месец. Тој е петти најпродаван албум во годината и трет најстримуван албум на Apple Music.
Но, приходот од придружната новогодишна турнеја и продажбата на албуми ќе ја подигне заедничката заработка на Стоунс – Мик Џегер, Кит Ричардс и Рони Вуд на над милијарда фунти, пишуваат странските медиуми.
Аналитичарите велат дека бендот – кој има продадено 250 милиони албуми од формирањето во 1962 година – може да наплати повеќе од повеќето билети за концерти во живо, бидејќи нивните обожаватели се постари и имаат повеќе пари за трошење.
Финансискиот директор на музичката индустрија, Клиф Дејн вели:
„Во 70-тите, Стоунс, заедно со Лед Цепелин, беа пионери на големи турнеи на арени и стадиони со индустриски размери.Тие деновиве помалку играат во живо поради нивната возраст. Но, тие можат да наплаќаат многу повеќе од другите уметници бидејќи нивните обожаватели често се постари и имаат повеќе расположлив приход“.
Финансиите на Стоунс ги надгледува мајката на две деца Џојс Смит, која со години работи како адвокатка на бендот, а таа го водеше и разводот на фронтменот Џегер од манекенката Џери Хол.
66-годишната жена од Портсмут, која во младоста настапувала во пабови како фолк пејачка, признала дека повеќе била обожавателка на Карпентерс.
