Фудбалскиот шампион на Саудиска Арабија, Ал-Итихад му врачи отказ на португалскиот стратег Нуно Еспирито Санто откако пет натпревари не оствари ниту една победа. Покрај серијата слаби резултати на Санто му пресуди и недоразбирањето со првата ѕвезда во тимот, францускиот интернационалец Карим Бензема.
До изнаоѓање на нов тренер, екипата ќе ја предводи досегашниот помошник во стручниот штаб, Хасан Калифа. Нов тренер се шпекулира дека ќе биде Французин по желба на Бензема.
Отказот за Португалецот следува по сензационалниот пораз во азиската Лига на шампиони од екипата на Ал-Кува Ал-Џавија од Ирак. Нуно Еспирито Санто во својата тренерска кариера ги водеше Рио Аве, Порто, Валенсија, Вулверхемптон и Тотенхем.
