Повеќе од 100 вработени во ОН загинаа за еден месец во Појасот Газа, кој е под жестоки напади на Израел, објави Агенцијата на Обединетите нации (ОН) за палестински бегалци на Блискиот Исток (УНРВА).
Генералниот комесар на УНРВА Филип Лазарини ја изрази својата тага поради убиството на вработен во УНРВА во соопштение објавено на социјалната мрежа „Икс“.
„Потврдено е дека се убиени повеќе од 100 работници во УНРВА за еден месец (во Појасот Газа). Родители, наставници, медицински сестри, лекари, помошен персонал“, рече претставникот на ОН.
Наведувајќи дека УНРВА и Палестинците се во жалост, Лазарини нагласи дека „мора да има хуманитарна пауза во конфликтот за да се стави крај на оваа катастрофа“.
Израел започна немилосрдни воздушни и копнени напади врз Појасот Газа по прекуграничниот напад на палестинската група Хамас на 7 октомври.
Загинаа најмалку 10.812 Палестинци, меѓу кои 4.412 деца и 2.918 жени. Според официјалните податоци, бројот на загинати во Израел е околу 1.600.
