Папата Франциск ќе се сретне со роднините на заложниците однесени во Газа и одделно со роднините на Палестинците кои страдаат од тековното бомбардирање, соопшти Ватикан.
Средбите ќе се одржат во среда кога папата ќе одржи општа аудиенција со јавноста во Ватикан, изјави директорот на прес-службата на Ватикан, Матео Бруни.
„Со овие средби, од исклучиво хуманитарен карактер, папата Франциск сака да ја покаже својата духовна блискост со страдањата на секој од нив, бидејќи, како што веќе изјави минатата недела, „Секое човечко суштество, без разлика дали е христијанин, евреин. муслиман, од кој било народ и религија, секое човечко суштество е свето, драгоцено во очите на Бога и има право да живее во мир“, рече Бруни.
