Клиниката за гинекологија и акушерство денеска, по повод 17 Ноември, Светскиот ден на предвреме родените бебиња, ќе ја презентира најновата статистика поврзана со смртноста на новороденчињата за 2023 година, а ќе даде и компаративен приказ во однос на изминатите години.
Како што е најавено, на прес конференцијата ќе се обратат министерот за здравство Фатмир Меџити, директорката на ГАК Викторија Јовановска и началничката на Одделението за интензивна нега и терапија Рената Димитриевска.
