Американскиот претседател Џо Бајден, кој денеска наполни 81 година, на годишната церемонија на Белата куќа пред празникот Денот на благодарноста, го користеше името Бритни Спирс во очигледна референца на тековната прекуокеанска турнеја на Тејлор Свифт, објави Скај њуз.
Бајден рече: „Може да се каже дека е уште потешко да добиете билет за турнејата на „ренесансата“ или за турнејата на Бритни. Таа е долу, некако е топло во Бразил во моментов“.
Спирс моментално не е на турнеја, ниту Бијонсе која ја заврши ренесансната турнеја во октомври. Сепак, Свифт е среде голема меѓународна турнеја и туку што го одложи концертот во Рио во саботата поради големите жештини.
Белата куќа не одговори веднаш на барањето за коментар на партнерската мрежа на Скај њуз, Ен-Би-Си њуз за очигледната мешаница на Бајден, што доаѓа откако гласачите во анкетте изразуваат загриженост за неговата возраст.
Во јуни, претседателот даде коментар за „војната во Ирак“ на рускиот лидер Владимир Путин, што доведе до исмејување на интернет.
Тој им рече на новинарите: „Тешко е да се каже, но (Путин) очигледно ја губи војната во Ирак и ја губи војната дома“.
