САД го осудија лансирањето од страна на Северна Кореја на вселенско летало со употреба на балистичка ракетна технологија што е „дрско нарушување на повеќе резолуции на Советот за Безбедност на ОН, подига тензии и е ризик за дестабилизација на безбедносната ситуација во регионот и пошироко“.
-Ова вселенско лансирање е со употреба на технологии кои се директно поврзани со интерконтиненталната балистичка ракетна програма на ДНРК.
Претседателот и неговиот тим за национална безбедност ја оценуваат ситуацијата и се во блиска координација со нашите сојузници и партнери, изјави денеска Адриен Ватсон, портпаролка на Националниот совет за безбедност во Белата куќа.
САД ги повикуваат сите земји да го осудат ова лансирање и да ја повикаат ДНРК на маса за сериозни преговори.
-Вратата за дипломатија не е затворена но Пјонгкјанг мора веднаш да запре со своите провокативни акции и да се ангажира.
САД ќе ги преземат сите неопходни мерки да се осигура безбедноста на американската татковина и одбраната на нашите корејски и јапонски сојузници, се вели во соопштението. кб/ .
