Дедлајн објави оваа недела дека „Универзал“ е во рана фаза на развој на уште едно продолжение на акционата франшиза Џејсон Борн.
Режисерот Едвард Бергер е подготвен да го режира филмот, објавија повеќе медиуми. Исто така, кастингот – вклучително и дали Мет Дејмон ќе се врати како насловен лик од серијата, сè уште не е започнат.
Дејмон (53) првпат го играше Борн, човек пронајден застрелан и без сеќавања за своето минато, кој потоа открива дека бил агент на строго доверлива американска разузнавачка програма, во 2002 година во филмот „Борновиот идентитет“, во режија на Даг Лиман.
Серијата, инспирирана од книгите на авторот Роберт Ладлум, создаде иницијална трилогија комплетирана со „The Bourne Supremacy“ од 2004 година и „The Bourne Identity“ од 2007 година, што го режираше Пол Грингас.
Џереми Ренер и Едвард Нортон глумеа во „The Bourne Legacy“ од 2012 година, спиноф на серијата што го следеше шпионскиот лик на Ренер, Арон Крос. Дејмон потоа се врати да ја повтори својата улога и повторно се обедини со Гринграс за Џејсон Борн во 2016 година.
Во 2017 година, Дејмон изјави за „The Toronto Sun“ дека новиот филм на Борн „ќе треба да биде прилично неверојатна приказна за да не вратиме сите“.
„Оваа последна не помина толку добро како онаа што ја направивме пред 10 години, па можеби луѓето завршија со ликот“, рече тој тогаш. „Сите сакаме да работиме заедно и тие филмови се многу забавни да се снимаат, така што сигурно ќе бидеме среќни да го направиме тоа. Ако можеме да најдеме добра приказна“.
