САД и Филипините спроведуваат заеднички патроли во Јужното Кинеско Море и воздухот над него, недалеку од Тајван.
Двете земји ја интензивираат соработката поради зголемените активности на Кина во таа област.
Филипинските воздухопловни сили соопштија дека нивните авиони вчера учествувале во заеднички патроли во близина на Батанес, најсеверната провинција на Филипините, која е на само околу 200 километри од Тајван. Претседателот на Филипини Фердинанд Маркос Јуниор претходно изјави дека ситуацијата во Јужното Кинеско Море станува се потешка бидејќи Кина се обидува да го нагласи своето присуство во област каде што неколку земји имаат конкурентни територијални претензии.
Кина тврди дека речиси целото Јужно Кинеско Море е нејзино, што доведе до спорови не само со Филипините, туку и со Виетнам, Малезија, Тајван и Брунеи.
Тоа е исто така една од точките на спор меѓу Кина и САД
