Во Музејот на македонската борба за самостојност денеска 35 американски волонтери на Мировен корпус ќе дадат свечена заклетва и ќе ја почнат службата во Северна Македонија.
Од Мировен корпус информираат дека новите волонтери ќе се приклучат на групата на повеќе од 800 волонтери, коишто досега служеле во земјата.
Ова е дваесет и шестата група на волонтери што ќе живеат и работат во Северна Македонија, од отворањето на канцеларијата во земјава во 1996 година.
Групата волонтери ќе положи заклетва пред амбасадорката на САД, Анџела Прајс Агелер, по што и официјално ќе ја започнат својата служба во Северна Македонија.