Контроверзниот италијански фудбалер Марио Балотели доцна синоќа доживеал сообраќајна несреќа во Бреша, Италија, при што си го уништи автомобилот „Ауди К8“ вреден 100.000 евра ! Неговиот автомобил удрил во бетонски ѕид покрај патот, а Балотели имал среќа, од овој сообраќајен инцидент излегол без посериозни последици. Системот за безбедност бил активиран и го спасиле воздушните перничиња.
Според извештаите на италијанската полиција, Марио возел со несоодветна брзина, изгубил контрола и удрил во ѕид, по што не сакал да прави алкотест ! Поради тоа полицијата му ја одзела возачката дозвола, додека братот на Енох Барвуа дошол да го земе и го однел дома.
На фотографиите се гледа дека автомобилот е згмечен, а на видеото од местото на сообраќајната несреќа се гледа како Балотели го напушта автомобилот. Од ударот му било тешко да оди, а брзата помош го однела во болница на дополнително набљудување.
