Претпладне, во североисточните делови од Македонија времето ќе биде претежно облачно и ќе провејува слаб снег, а во текот на денот во останатиот дел од земјата ќе биде сончево и студено со мала до умерена облачност. Ќе дува умерен, а долж Повардарието и во источните делови силен ветер од северозападен правец (над 70 км/час).
Утринските температури се движат во интервалот меѓу минус 8 и 4, додека максималните дневни соодветно ќе бидат од 0 до 7 степени.
Во Скопје и околината ќе биде студено, променливо облачно, попладне со сончеви периоди. Ќе дува умерен до засилен ветер од северозападен правец, особено изразен на повисоко и во источните делови од регионот. Температурата ќе достигне до 5 степени.
