Турскиот претседател Реџеп Таип Ердоган изјави денеска за време на разговорот со генералниот секретар на ОН Антонио Гутереш дека Израел мора да одговара пред меѓународните судови за воените злосторства што ги извршил во Газа.
Во телефонски разговор пред состанокот на Советот за безбедност на ОН за Газа закажан за среда, Ердоган му рекол на Гутереш дека „Израел продолжува бесрамно да го гази меѓународното право, правилата на војната и меѓународното хуманитарно право, пред меѓународната заедница“.
Турскиот министер за надворешни работи Хакан Фидан, дел од таканаречената „контакт група“ на муслиманските земји кои разговараат со западните лидери за Газа, ќе присуствува на состанокот во Њујорк во среда, соопшти претходно Министерството за надворешни работи. Израел започна воздушна и копнена офанзива против палестинската милитантна група Хамас во Газа по нападот на 7 октомври.
