Палестинските цивили во Појасот Газа бараат засолниште во сè потесното подрачје додека Израел ги засилува воздушните, морските и копнените бомбардирања на енклавата. Бомбардирањето беше концентрирано на Кан Јунис и Рафа на југ, велат жителите, а болниците се борат со приливот на ранети.
Портпаролот на канцеларијата за односи со јавноста на Хамас изјави дека 700 луѓе загинале во израелските напади во изминатите 24 часа и дека многу од загинатите лежат под урнатините, а спасувачите се борат да ги ослободат ранетите и да ги однесат во болница пренесува dpa, додавајќи дека билансот на загинатите не е независно потврден.
Израелската војска соопшти дека нејзините воени авиони и хеликоптери нападнале цели на Хамас, вклучувајќи тунели, командни центри и складишта за оружје, а поморските сили ги погодиле бродовите на Хамас.
Хамас објави дека истрелал ракети врз крајбрежниот израелски град Тел Авив, но овие тврдења не се независно потврдени.
