Вулканот Мерапи на индонезискиот остров Јава еруптираше денеска, исфрлајќи чад и пепел повеќе од три илјади метри во воздухот.
Официјален претставник на мониторинг станицата Марапи, Ахмад Рифанди, изјави дека нема жртви во ерупцијата, пренесуваат агенциите.
Како што додаде, надлежните ги советувале граѓаните да не се приближуваат до трикилометарскиот кратер и да бидат свесни за опасноста од потенцијална лава.
Портпаролот на Националната агенција за управување со катастрофи Абдул Мухари изјави дека неколку села се покриени со пепел и дека сонцето е блокирано во многу области.
„Властите дистрибуираа маски и ги повикаа жителите да носат очила за да се заштитат од вулканската пепел“, рече Мухари.
