Министерот за внатрешни работи Оливер Спасовски вечерва на покана од амбасадорот на Француската Република, Н. Е. Сирил Бомгартнер, присуствуваше на културно збиднување и прием по повод одбележувањето на значајниот јубилеј – 30 години воспоставени дипломатски односи помеѓу Република Северна Македонија и Француската Република.
„Француската поддршка на македонскиот евроинтеграциски пат, е особено зајакната последните неколку години имајќи го предвид нашиот реформски процес насочен кон исполнување на стандардите на ЕУ. Имаме добра билатерална и меѓународна соработка, како од регионален, така и од европски безбедносен аспект.
Пријателските односи, довербата, отсуството на отворени прашања, како и соработка во голем број области од заемен интерес, како што е впрочем и одличната соработка помеѓу нашите две Министерства за внатрешни работи, се само доказ за успешното партнерство во унапредувањето на капацитетите на македонската полиција, и генерално, во подобрување на севкупното општествено живеење.
Нека е за многу години пријатели“ објави Спасовски.
