Безбедноста на храната приготвена дома не зависи само од квалитетот на храната што ја купувате, туку и од начинот на подготовка, како и од времето кога се јаде или се загрева. Некои намирници кои ги консумираме треба да ги јадеме истиот ден кога ги готвиме или отвораме, бидејќи во спротивно можат да ни наштетат на здравјето.
Експертите за безбедност на храна предупредуваат дека мора да бидеме крајно внимателни, бидејќи некои намирници може да се расипат по ден-два, дури и ако се зготвени.
– Повеќето остатоци дефинитивно ќе траат три или четири дена ако се изладат во рок од два часа по готвењето, се пакуваат во херметички сад и се чуваат во фрижидер. Но, постојат некои намирници кои се повеќе склони кон раст на бактерии и не треба да ризикувате со тоа – советува нутриционистот Трејси Бригман за Дејли Мејл.
Примери за бактериски, паразитски и вирусни инфекции кои се пренесуваат преку храна вклучуваат салмонела, токсоплазма, листерија, норовирус, ешерихија коли. Најчест е норовирусот, кој погодува еден од 15 луѓе годишно.
Еве пет намирници кои можат да му наштетат на вашето здравје доколку не ги консумирате во рок од еден ден по купувањето или готвењето:
Тврдо варени јајца
Не лупете тврдо варени јајца ако сакате да траат подолго од 24 часа. Лушпата од јајцето делува како заштитен слој кој штити од бактерии. Откако ќе се отстрани лушпата, бактериите можат брзо да навлезат во порите на јајцето и да го контаминираат. Докажано е дека листеријата ги напаѓа тврдо варените, излупени јајца.
Листериозата се поврзува и со непастеризирано млеко, меки сирења, зеленчук и сувомеснати производи. Симптомите вклучуваат главоболка, конфузија, болки во мускулите и треска.
Мелено месо
Според американското Министерство за земјоделство (USDA), незагреаното мелено месо трае само еден до два дена пред да почне да се расипува.
– Бактериите од површината на суровото месо може да се мешаат во производот за време на процесот на мелење. Затоа, меленото месо мора да се свари до крај за да се уништат сите бактерии – објасни Бригман.
Покрај салмонелата, меленото месо е и место за размножување на ешерихија коли. Инфекцијата со оваа бактерија може да предизвика грчеви во стомакот, крвава дијареа и повраќање.
Диња
Д-р Дарин Детвилер, експерт за безбедност на храна од Универзитетот Нортистон во Бостон, вели дека дињата никогаш не треба да се чува во фрижидер повеќе од еден ден, бидејќи патогените како салмонела и листерија брзо растат.
– Диња треба да се јаде веднаш штом ќе ја исечете. Никогаш не купувајте веќе исечена диња – предупреди тој.
Внатрешноста на ова овошје има идеална pH вредност за раст на бактериите, а дињата е поврзана со моменталната појава на салмонела која зарази 117 Американци, хоспитализирани 61 и уби двајца. Симптомите на инфекција со салмонела може да вклучуваат дијареа, грчеви во стомакот и треска.
Сурово пилешко
Ако сте купиле пилешко и сте го заборавиле неколку дена, постојат големи шанси да се расипе. Живината е особено подложна на салмонела бидејќи е помека од црвеното месо како говедското, што го олеснува навлегувањето на бактериите во него.
Расипаното пилешко може да добие сиво-зелено, а може да се појават мувлосани дамки, што укажува на присуство на бактерии. Исто така, има лигава текстура. Плакнењето на пилешкото нема да ги елиминира бактериите.
Варен ориз
Иако може да се чува во оставата со месеци, варениот ориз брзо се расипува. Тој е склон кон бактериите кои формираат спори Bacillus cereus и најчесто се наоѓа во сирова и необработена храна како што се компирите, грашокот, гравот и одредени зачини. Бактеријата е особено честа кај оризот или другите зрна кои се оставени на собна температура или во недоволно ладен фрижидер. Имено, бактеријата Bacillus cereus најдобро расте во температурен опсег од 4ºC до 48ºC.
Симптомите на инфекција со оваа бактерија вклучуваат повраќање, дијареа и грчеви во стомакот. Најголем ризик од инфекција имаат постарите лица и оние со ослабен имунитет.
