Холандската влада ги предупреди граѓаните да ги спречуваат децата и домашните миленици да голтаат морска пена, откако научно истражување открило високи концентрации на таканаречените „вечни хемикалии“ во морето.
Имено, истражувањето на пената на белгискиот брег покажало дека во морето има концентрација на перфлуорирани и полифлуорирани алкилирани материи кои сочинуваат повеќе од 4700 хемикалии (PFAS) кои често се користат поради нивните водоотпорни својства, но тешко се уништуваат . Утврдено е дека овие хемикалии постојат и на популарните холандски крајбрежни дестинации.
Споменатите синтетички хемикалии се поврзани со токсични ефекти врз човечкиот имунолошки систем, одредени видови на рак, проблеми со плодноста и ризици за дивиот свет.
„После пливањето, треба да се истуширате, да ги миете рацете пред јадење и да не дозволувате децата и домашните миленици да голтаат морска пена“, стои во известувањето. Холандскиот институт за јавно здравје (RIVM) претходно утврди дека Холанѓаните веќе се премногу изложени на PFAS. Количината од неа доаѓа од храната и водата за пиење“, изјави министерот за водостопанство Марк Харберс.
Во однос на капењето, министерот објасни дека не се потребни дополнителни мерки бидејќи нивоата на PFAS во водата се многу пониски отколку во пената. Сепак, RIVM објави дека се уште не е јасно што значи присуството на хемикалии во пената за здравјето на капачите, сурферите или луѓето кои шетаат на плажа, објави Гардијан.
PFAS се користи во сè, од водоотпорна облека и козметика до противпожарна пена и кутии за пица. Некои супстанции се забранети, но постои загриженост за присуството на хемикалии во животната средина, бидејќи јаглеродните и флуорните врски што ги прават хемикалиите толку корисни се спротивставуваат на распаѓањето, поради што се нарекуваат „вечни хемикалии“.
Минатата година холандската влада воведе поголеми ограничувања за присуството на PFAS во водата за пиење бидејќи беше откриено дека хемикалиите се поопасни отколку што се мислеше, а воведувањето на рестрикции размислува и од Европската унија.
