Полицијата во Мадрид запленила 23 килограми кокаин во квартот Сан Блас-Каниљејас, чија вредност е 1,8 милиони евра и уапсила опасен дилер на дрога, 28-годишен државјанин на Србија.
Спектакуларна акција на шпанската полиција била спроведена во вторникот околу 19 часот, кога локалните полицајци од Сан Блас-Каниљехас, вршејќи превентивна патрола на улицата Белфаст, забележале две сомнителни лица.
„Од возилото мерцедес А класа излегле двајца мажи кои носеле два куфери и спортска торба. Се движеа многу чудно, многу претпазливо, се вртеа зад нив и постојано гледаа лево-десно“, објави Ел Мундо.
Полицајците решиле да ги запрат лицата и да ги легитимираат, но веднаш штом ги виделе полицајците побегнале.
„Двајцата мажи трчаа во различни правци и ги фрлија чантата и куферите. Полицајците веднаш побарале засилување и во потера успеале да стигнат до еден од бегалците. Преку проверки било утврдено дека станува збор за маж од српска националност кој е поврзан со шверц на дрога од големи размери. Второто лице успеало да побегне, а агентите се уште не успеале да го лоцираат“, ја опишуваат шпанските медиумите драмата што се одвивала при апсењето.
Откако полицајците ги отвориле куферите и торбите кои осомничените ги фрлиле при нивното бегство, пронашле 18 пакувања завиткани во целофан и залепени со селотејп лента.
„На пакувањата имало и лого со натпис „Хуан Валдес“, што е познат колумбиски бренд на кафе и фотографија од коњ покрај човек. Дополнително, одземена е машина за вакуумирање и разни други додатоци кои се користат за пакување и мерење на наркотици“, објаснуваат изворите и додаваат дека вкупната тежина на запленетиот кокаин е 23,13 килограми.
Полицијата го одзела и автомобилот мерцедес што го користеле осомничените.
„Автомобилот е испратен на вештачење“, додаваат оттаму.
Според мадридската полиција, лицето кое успеало да им побегне на агентите е опишано како млад човек на возраст од 25 до 30 години, облечен во спортска облека.
„Се сомнева дека осомничените припаѓаат на организирана криминална група вклучена во трговија со дрога“, велат извори.
