Британскиот принц Хари доби отштета од 140.600 фунти откако Високиот суд во Лондон пресуди дека тој бил жртва на „умерено“ хакирање на телефонот и други незаконски методи на собирање информации од страна на новинарите во весниците Мирор груп (МГН).
Принцот Хари тврди дека бил цел на МГН 15 години, почнувајќи од 1996 година, и дека повеќе од 140 стории објавени во весниците на групата, како што се Дејли мирор, Сандеј мирор и Сандеј Пипл, биле резултат на нелегално собирање информации, иако на судењето беа разгледани само 33 вести.
Од тој број вести, судот утврди дека незаконските дејствија придонеле за пишување на 15 написи за тоа време, и дека високите директори на MGN биле свесни за хакирањето.
„Ја поздравуваме денешната пресуда, која му ја дава потребната јасност на бизнисот што му е потребна за да продолжи понатаму, далеку од настаните што се случиле пред многу години. Безрезервно се извинуваме за историските грешки, ја преземаме целосната одговорност и ќе биде исплатена соодветната компензација“, рече портпаролот на МГН по пресуди.
Компанијата претходно тврдеше дека нема докази за наводите на принцот Хари
