Младата ѕвезда на Спарс со настап во кариерата ги сруши Лејкерси и ја прекина историската серија.
За разлика од Детроит Пистонс, кои го претрпеа 22-от пораз по ред и ги бркаат неславните НБА рекорди од 26 последователни во една сезона и 28 во две, Сан Антонио Спарс успеаја да ја прекинат серијата од 18 изгубени натпревари. Тие го победија премиерниот шампион во НБА Купот ЛА Лејкерс со 129:115.
Ова беше најдолгата серија загубени натпревари во историјата на Спарс. Откако освоија три од првите пет натпревари во сезоната, тие не успеаја да победат никого речиси месец и половина. Нивната претходна победа беше на 2 ноември, кога на гостински терен го совладаа Феникс Санс. Тие се уште последни на Западот со 4-20, но сега се само две победи зад Портланд и Мемфис.
Виктор Вембањама, Французинот висок 224 см, избран за прв на годинешниот драфт, постигна 13 поени, 15 скока, пет асистенции и две блокади, украдена топка и загубена топка, но херој на Спарс беше Девин Васел со рекорд во кариерата од 36. поени.
