Актерот Брус Вилис за прв пат беше виден во јавноста откако ширум светот се прошири веста дека состојбата му се влошила.
Во Санта Моника, Брус се прошета со своите пријатели и појадуваше со нив, а некои обожаватели го запреа на улица за да разговараат со него.
За потсетување, на актерот му беше дијагностицирана фронтотемпорална деменција, а блиски извори неодамна потврдија дека неговата состојба се влошува.
„Брус има добри и лоши денови, но последните два месеци имаше многу повеќе лоши денови отколку добри“, изјави извор за „УС викли“.
Близок извор потврди и дека семејството се плаши од тоа колку време останало.
Глен Гордон Карон, кој го посети, претходно изјави дека болеста на актерот напредувала.
„Моето чувство е дека тој знае кој сум јас само во првите три минути од разговорот. Не зборува повеќе, порано беше страствен читател, но сега се откажа.“
„Сите тие јазични вештини повеќе не му се достапни. Кога сте со него, знаете дека тој е Брус и сте благодарни што е таму, но нема повеќе радост во него“, додаде тој.
Според најновите фотографии, актерот изгледа добро се држи и покрај сите лоши вести, но сите негови обожаватели се загрижени за својот омилен актер.
Фронтотемпоралната деменција (ФТД) е невообичаена форма на деменција која предизвикува влошување на однесувањето, личноста и говорот.
„Фронтотемпоралната деменција е сурова болест за која многумина од нас никогаш не слушнале, а може да влијае на секого. За луѓето помлади од 60 години, таа е најчеста форма на деменција и е пораспространета отколку што мислиме, бидејќи понекогаш се потребни години за да биде дијагностицирана. Денес е сè уште неизлечива. „Се надеваме дека тоа ќе се промени во наредните години. Како што напредува состојбата на Брус, се надеваме дека вниманието на медиумите ќе ја подигне свеста за болеста за која треба повеќе да се истражува“, објасни неговото семејство во соопштение.
