Швајцарската престолнина Берн ја испитува пилот-програмата која ќе овозможи продажба на кокаин за рекреативна употреба.
Парламентот во Берн ја поддржа идејата со која треба да се надмине противењето на градската власт и која ќе бара промена на националниот закон.
Политиките за употреба на дрога ширум светот се развиваат, а американската сојузна држава Орегон, на пример, го декриминализираше поседувањето на мала количина кокаин во 2021 година, доколку лицето се одлучи за лечење.
Многу европски земји, вклучително Шпанија, Италија и Португалија веќе немаат затворски казни за поседување дрога, вклучително и кокаин, иако никаде не отиде толку далеку како во предлогот кој се разгледуваше во Берн.
Швајцарија го преиспитува својот став за дрогата откако некои политичари и експерти ја критикуваа целосната забрана како неефикасна.
-Војната против дрогата пропадна и мораме да разгледаме нови идеи“, рече Ева Чен, член на Советот на Берн од партијата на алтернативната левица, која беше една од предлагачите на програмата.
Според неа, контролата и легализацијата можат да дадат подобри резултати од обичната репресија.
Швајцарија е една од земјите со најголем број на луѓе кои користат кокаин.
Цирих, Базел и Женева се меѓу првите 10 градови во Европа за употреба на кокаин
