Императивот на секоја модерна жена е да остане млада што е можно подолго. Или барем достоинствено да остари. И тука доаѓаме до точката која е клучна во оваа операција и мисија, а тоа е колагенот. Имено, како што минуваат годините, колагенот во текстурата на кожата исчезнува и прави тенот да изгледа уморно, сиво, а кожата опуштена.
„Колагенот е, ако сите добро ме разбираат, скелето што ја поддржува кожата. Буквално ја прави кожата еластична“, објаснува дерматологот Ема Крајтон, објаснувајќи дека станува збор за протеин кој овозможува кога ќе го притиснете образот на бебето, кожата повторно да се врати назад.
„Колку помалку колаген имаме – и вреди да се напомене дека тој се распаѓа со брзина од околу еден процент годишно од средината на 20-тите па наваму – толку кожата е полабава и се појавуваат поголеми пори и брчки. Како и секогаш, подобро е да се спречи отколку да се лечи. Колку повеќе можеме да го инхибираме разградувањето на колагенот, толку подобра ќе биде нашата кожа како што старееме. Нема да биде изненадување дека изложеноста на ултравиолетово зрачење или УВ светлина е акселератор број 1 за губењето колаген“, вели Крајтон за магазинот Вог, и наведува дека сите дерматолози се колнат во производи со широк спектар на заштита бидејќи, покрај спречувањето појава на рак на кожата и хиперпигментацијата, тие го зачувуваат нивото на колаген.
Како уште можете да ги зачувате резервите на колаген?
„Еден од начините е да користите ретиноиди дома. Витаминот А делува како хормон и испраќа пораки до фибробластите во дермисот на кожата, упатувајќи им да се вклучат и да почнат да произведуваат повеќе колаген и хијалуронска киселина“, вели Крајтон, препорачувајќи препарати богати со витамин Ц.
Исхраната е исто така клучна за убавината и младоста
„На вашето тело му требаат витамин Ц, цинк, манган и бакар за производство на колаген, па затоа е важно да ги имате во вашата исхрана“, вели естетскиот хирург Софи Шотер.
Во врска со колагенските додатоци: дали делуваат? Со толку многу различни типови на пазарот, може да биде тешко да се знае од каде да се започне. Колагенот обично се апсорбира и се дистрибуира преку крвотокот, правејќи го својот пат до дермисот преку други органи.
„Еден од нив ја стимулира пролиферацијата на фибробластите, создавајќи производство на свеж колаген“, објаснува Ана Лахеј, која ја нагласува важноста од консумирање висококвалитетен хидролизиран морски колаген.
