Тинејџерот кој исчезна на 11-годишна возраст и беше пронајден минатата недела во Франција, сега раскажа што довело до неговото враќање дома во нормален живот.
Алекс Бати (17) исчезнал кога имал 11 години со мајка му Мелани (43) и дедото Дејвид (64) кои биле поддржувачи на алтернативен начин на живот. Тие талкаа низ Европа со години, а потоа Алекс се скрши и реши да се врати во својот дом.
Тој беше пронајден во Франција минатата недела и оттогаш се врати да живее со неговата баба, законскиот старател Сузан Каруана (68) во Обединетото Кралство.
„Се скарав со мајка ми и само мислев како да заминам бидејќи не можам да живеам со неа“, изјави тој во интервју за британски Сан, откривајќи голем број детали поврзани со неговото исчезнување.
Алекс сите овие години бил целосно изолиран од светот, за шест години стекнал само еден пријател, а на училиште не отишол ниту еден ден. Почна да се сомнева во „номадскиот“ начин на живот на 14 години, а потоа почна да размислува за бекство.
„Секогаш беше исто, Франција или Шпанија. Во планините, среде никаде, немаше луѓе на моја возраст“, рече тој и ја опиша својата мајка како личност која не сака да биде ро на. системот и не и верува на владата.
„Таа е одлична личност и јас ја сакам, но не е одлична мајка“, нагласи тој.
Иако својата идеја за враќање ја сподели со мајка му и дедо му, Мелани не беше склона да мисли така. Таа била против неговото враќање, додека дедо му рекол да направи што е најдобро за него.
На 9-ти декември, последен пат го видел својот дедо на фарма во јужна Франција, а само два дена подоцна го спакувал ранецот и ја напуштил фармата.
Го пронашол студент во Тулуз, Франција, а Алекс измислил дека четири дена шетал низ планините за подоцна да ја одведе полицијата подалеку од мајката и дедото во случај да помислат дека се работи за киднапирање дете. Тој измислил и друго име, претставувајќи им се на сите како Зак.
После тоа работите брзо се развија. Наскоро бил испрашуван во полициска станица, отпатувал кај баба му во Манчестер и сега ќе се обиде да продолжи со својот нормален живот: оди на училиште и учи. Тој сака да студира компјутерски науки или сајбер безбедност.
Судијата одлучи Алекс да биде со баба му под посебна правна заштита како штитеник на судот, а таа ќе се грижи за него додека не наполни 18 години, што е за два месеци.
