Заедно со лешниците, бадемите и ф’стаците, оревот е најпознато јаткасто овошје и незаменлива состојка во многу десерти. Плодот на орев исто така има многу поздрава улога од онаа што му ја даваат слаткарите.
Хранливите карактеристики го прават многу вредно јаткасто овошје, особено поради содржината на протеини и есенцијални масни киселини. Калориската вредност на оревите е 654 калории на 100 грама, што значи дека оревите се многу калорично овошје.
Но исто тка оревите содржат многу минерали: манган, магнезиум, фосфор, железо, цинк, калиум, калциум. И од витамини: А, витамини Be1, Be2, Be3, Be5, Be6, Be9, витамин Це, Е, Ка. Оревите содржат многу есенцијални амино киселини.
Тие се полни со здрави, полинезаситени масти, особено алфа-линолеинска киселина и линолова киселина. Истражувањата покажуваат дека користењето ореви и маслото од орев го намалува стресот. Тие помагаат да се подобрат интелектуалните и моторичките вештини. Во споредба со бадемите, кикиритките и лешниците, оревите содржат најмногу антиоксиданси. Може да се јадат свежи или суво печени, но би било добро да не се претерува при печењето.
Нивната големина зависи од видот, така што тие се движат од големина на џамлијја до топче за пингпонг. Кафеавата лушпа може да биде потврда (подебела) или помека (потенка), а вторите се најценети, бидејќи лушпата полесно се отстранува.
Најголем светски производител на ореви е Кина, со повеќе од 40 отсто од светското производство. Следуваат САД, Иран, Турција, Украина, Мексико, Романија, Индија и Франција.
