Пред зградата на Републичката изборна комисија (РИК) вечерва се одржува осмиот протест на коалицијата „Србија против насилството“ против изборните нерегуларности.
Во текот на денот од 11 до 18 часот протестираа и студентите кои барајќи отворање на избирачкиот список најпрвин ја блокираа улицата Бирчанинова кај Министерството за државна управа и локална самоуправа, потоа улицата „Кнежа Милоша“ и потоа улица Немањина кај Владата на Србија.
Студентите ја поддржаа коалицијата „Србија против насилството“, која повика на тие протести да се исполни нивното барање за поништување на изборите, поради бројни нерегуларности.
Лидерот на ДС Зоран Лутовац рече дека не е нормална ситуација пред повеќе од 24 часа да се уапсени поединци, а нивните роднини да не знаат каде се и во каква состојба се.
„Каде се тие деца, како е можно нивните родители да не го знаат тоа, ние ќе застанеме зад секој уапсен, бидејќи тие што требаше да бидат уапсени се претежно странски фактори“, рече тој.
Претставници на МУП претходно им порачаа на претставниците на опозицијата дека родителите на уапсените можат да добијат информации за нивните деца преку електронска пошта или на 192.
