Координаторот на тимот за итна медицинска помош при Светската здравствена организација (СЗО) Шон Кејси денеска во Газа изјави дека ситуацијата во болниците на палестинската енклава е застрашувачка.
Тој посочи дека здравствените установи во Појасот Газа се преоптоварени, а многу од нив се целосно затворени, пренесе Ал Џезира.
Кејси истакна за катарските медиуми дека непријателствата во енклавата продолжија во последните денови и покрај минатонеделната резолуција на Советот за безбедност на ОН со која се бара зголемување на хуманитарната помош.
„Ја посетив болницата Ал Акса, во централниот дел на Газа, која претходната ноќ прими повеќе од 100 повредени, а многу од донесените веќе беа мртви“, рече тој.
