Претседателот Стево Пендаровски го одликуваше со Орден на заслуги за Република Северна Македонија, долгогодишниот познат актер, Гоце Тодоровски.
Претседателот Пендаровски, орденот го донесе лично до Тодоровски, со кого имаше кратка и емотивна средба.
„Бард на македонското глумиште и еден од нашите најпочитувани и најпознати актери со извонредна кариера и богата биографија. Препознатлив по ведрината и енергичноста на сцената, но и по неговиот високо професионален однос кон работата. Гоце Тодоровски се одликува со Орден за заслуги за Република Северна Македонија“ објави Пендаровски.
Пендаровски на Тодоровски му посака добро здравје и скоро враќање на сцените, додека актерот се заблагодари на гестот на Претседателот, истакнувајќи дека тој се уште има волја да глуми, додавајќи дека со неогвите улоги, растеле три генерации а себеси се смета за „мал просветител“ како што самиот кажа.
